Kirish

React native’ni o’rganishga tayyomisiz?! Agar siz o’rnatish bo’yicha yo’riqnomalarni qidirayotgan bo’lsangiz, yo’riqnomalar bo’limiga o’ting. Dokumentatsiya, Native Komponentalar va React haqida ko’proq ma’lumot olish uchun o’qishda davom eting.

React Native-dan mutaxasis iOS dasturchilaridan tortib, Reactni endigina boshlaganlargacha va hattoki dasturlash sohasiga endigina qadam qo’yganlar ham foydalanadi. Ushbu hujjatlar tajriba darajasidan qat’iy nazar barcha o'quvchilar uchun yozib chiqilgan.

Ushbu hujjatlardan qanday foydalanish kerak

Siz hujjatlarni kitob shaklida shu yerdan boshlab ketma-ket o’qib ketishingiz, yoki o’zingizga kerak bo’lgan bo’limnigina tanlab o’qishingiz mumkin. Agar siz React bilan allaqachon tanish bo’lsangiz bu sahifani o’tkazib yuborishingiz yoki takrorlash maqsadida o’qib chiqishingiz ham mumkin.

Talablar

Siz React Native’ni o’rganishdan oldin JavaScript asoslarini o’qigan bo’lishingiz kerak. Agar siz JavaScripni endigina boshlamoqchi bo’lsangiz Mozila Developer Network sayiti yordamida o’rganishingiz mumkin bo’ladi.

Biz React, Android yoki iOS dasturlash bo'yicha avvalgi bilimlarga tayanmaslikka qo'ldan kelganicha harakat qilsak ham, bu mavzularni bilish React Native dasturchisi bo'lishni istaganlar uchun muxim hisoblanadi. Biz qo’limizdan kelgancha chuqurroq ma'lumotlar va maqolalarga havolalarni berishga harakat qildik.

Interaktiv misollar

Quyida keltirilgan kodlar sizga shu kabi interaktiv misollar bilan darhol brauzeringizda kod yozishni boshlanish imkonini beradi:

import React from 'react'
import { Text, View } from 'react-native'
 
const YourApp = () => {
	return (
		<View
			style={{
				flex: 1,
				justifyContent: 'center',
				alignItems: 'center',
			}}
		>
			<Text>Try editing me! 🎉</Text>
		</View>
	)
}
 
export default YourApp

Yuqoridagi kodda Snack Player mavjud. Bu Expo tomonidan tayyorlangan foydali vosita bo'lib, u React Native loyihalarini joylashtirish, Android va iOS kabi platformalarda jonli ko'rish imkonini beradi. Kod jonli va tahrir qilinadigan, shuning uchun siz uni brauzeringizda bevosita o'zgartirishingiz mumkin. Yuqoridagi "Meni tahrirlashni sinab ko'r!" matnini "Salom, dunyo!" ga o'zgartirib ko'ring.

Agar siz IDE o'rnatmoqchi bo'lsangiz, uni o'rnatish bo'yicha qo'llanmamizga amal qilsangiz bo’ladi va kod misollarini o’zingizning IDE ingizda sinab ko’rinishgiz mumkin. (Agar siz veb-dasturchi bo'lsangiz, mobil brauzerlar uchun IDE ni allaqachon o'rnatgan bo'lishingiz mumkin!)

Dasturchilar uchun eslatmalar

Dasturlashing turli sohalaridan bo’lgan odamlar React Native-ni o'rganmoqda. Siz vebdan, Android, iOS va boshqa texnologiyalar bilan ishlash tajribangiz bo'lishi mumkin. Biz barcha sohadan kelgan dasturchilar uchun tushunarli yozishga harakat qilamiz. Ba'zan biz ma'lum bir platforma yoki boshqa platformaga xos tushuntirishlar ham beramiz.

Tuzilish

Menyuda mavzular qalin shiriftda yozilgan, kichik mavzularni o’qish uchun ‘>’ dan foydalaning. Misol uchun: Android Studio > Preferences

Endi siz ushbu qo'llanma qanday ishlashini bilasiz, endi React Native: Native componentalar haqida o’rganish vaqti keldi.

Ushbu hujjatlardan qanday foydalanish kerak

Talablar

Interaktiv misollar

Dasturchilar uchun eslatmalar

Tuzilish

On this page