Go nima?
Go — bu ko‘p platformali, ochiq manba (open source) dasturlash tili. Go yuqori samarali ilovalar yaratish uchun ishlatilishi mumkin. Go tezkor, statik tiplangan, kompilyatsiya qilinadigan dasturlash tili bo‘lib, soddaligi va samaradorligi bilan mashhur. Go tili Google kompaniyasida Robert Griesemer, Rob Pike va Ken Thompson tomonidan 2007-yilda ishlab chiqilgan. Go sintaksisi C++ ga o‘xshash.
Go qayerda ishlatiladi?
- Veb-dasturlash (server tomoni)
- Tarmoqqa asoslangan dasturlarni ishlab chiqish
- Ko‘p platformali korporativ ilovalarni yaratish
- Cloud-native dasturlarni ishlab chiqish
Nima uchun Go ishlatish kerak?
- Go o‘rganish qiziqarli va oson
- Go tez ishlash va kompilyatsiya qilish vaqtiga ega
- Go bir vaqtda bajarilishni (concurrency) qo‘llab-quvvatlaydi
- Go xotira boshqaruviga ega
- Go turli platformalarda ishlaydi (Windows, Mac, Linux, Raspberry Pi va boshqalar)
Go Python va C++ bilan taqqoslaganda
| Xususiyat | Go | Python | C++ |
|---|---|---|---|
| Tiplanganligi | Statik tiplangan | Dinamik tiplangan | Statik tiplangan |
| Ishlash vaqti | Tez | Sekin | Tez |
| Kompilyatsiya qilingan | Interpretatsiya qilingan | Kompilyatsiya qilingan | |
| Kompilyatsiya vaqti | Tez | Interpretatsiya qilingan | Sekin |
| Bir vaqtda bajarilish | Gorutinalar va kanal orqali qo‘llab-quvvatlanadi | Bir vaqtda bajarilish mexanizmi yo‘q | Threadlar orqali qo‘llab-quvvatlanadi |
| Xotira boshqaruvi | Avtomatik garbage collection | Avtomatik garbage collection | Avtomatik garbage collection yo‘q |
| Sinflar va obyektlar | Qo‘llab-quvvatlanmaydi | Sinflar va obyektlar bor | Sinflar va obyektlar bor |
| Meros olish | Meros olish yo‘q | Meros olish bor | Meros olish bor |
Izohlar:
- Kompilyatsiya vaqti kodni ijro etiladigan dasturga aylantirish jarayonini bildiradi.
- Bir vaqtda bajarilish (concurrency) bu turli vazifalarni yakuniy natijaga ta'sir qilmagan holda tartibsiz yoki bir vaqtning o‘zida bajarish imkoniyatidir.
- Statik tiplangan bu o‘zgaruvchilar turlari kompilyatsiya vaqtida aniqlanganligini bildiradi.
Boshlash
Ushbu qo‘llanma sizga Go dasturlash tilining asoslarini o‘rgatadi.
Avval dasturlash bo‘yicha hech qanday tajribaga ega bo‘lishingiz shart emas.